Framboðslisti til stjórnar FÍA liggur fyrir. Kosið verður um meðstjórnendur og eiga sjö meðstjórnendur sæti í stjórn eftir síðustu lagabreytingar.

Þau sem bjóða sig fram;

Til formanns

Örnólfur Jónsson     Icelandair    

Til varaformanns

Guðmundur Már Þorvarðarson     Icelandair     

Meðstjórnendur

G. Birnir Ásgeirsson     Air Atlanta

Hjalti Geir Guðmundsson     Icelandair

Hólmar Logi Sigmundsson     Landhelgisgæslan

Högni B. Ómarsson     Icelandair

Jónas E. Thorlacius     Icelandair

Kristín María Grímsdóttir     Air Atlanta

Magni Snær Steinþórsson     Air Iceland Connect

Sara Hlín Sigurðardóttir     Icelandair

Sigrún Bender     Icelandair 

Sigurður Egill Sigurðsson     Ernir

Steindór Ingi Hall     Icelandair

Félagsfundur FÍA, haldinn í Grjótnesi þ. 25. janúar 2018 samþykkir eftirfarandi ályktun um málefni Landhelgisgæslu Íslands.

Áform ríkisstjórnarinnar um fjárveitingu til reksturs Landhelgisgæslu Íslands eru hörmuð þar sem ekki verður séð að með henni sé rekstrargrundvöllur stofnunarinnar tryggður.

Fundarmenn skora á Alþingi að taka fjárhagsáætlun Landhelgisgæslunnar til endurskoðunar og gæta þess að úthlutað verði því fjármagni sem þörf er á til að standa við lögbundið hlutverk sitt, viðhalda búnaði og tryggja á hverjum tíma réttan fjölda áhafna á vakt.

Jafnframt hvetja fundarmenn til þess að gengið verði sem allra fyrst frá kaupum á þyrlum sem henta leitar og björgunarhlutverki Landhelgisgæslunnar.

Flutningsmaður;  Högni B. Ómarsson

Stuðningsmenn;  Reynir Einarsson og Jón Þór Þorvaldsson.

Ályktun þessi var samþykkt með öllum greiddum atkvæðum.

Stjórn og starfsfólk FÍA óskar félagsmönnum og fjölskyldum þeirra gleðilegra jóla og heillaríks komandi árs.

Með þökk fyrir samskipti og samstarf á árinu sem senn líður.

Undanfarið hafa stórir hópar kvenna úr ýmsum starfsstéttum komið fram undir merkjum átaksins #metoo.  Meðal þeirra eru íslenskar flugfreyjur.

Af þessu tilefni vill Félag íslenskra atvinnuflugmanna FÍA lýsa yfir stuðningi við átakið og taka undir með þeim fjölmörgu samstarfskonum okkar flugmanna sem fordæma hverskyns kynferðislega áreitni.

Gagnkvæm virðing og traust þarf vera í samskiptum áhafna um borð í flugvélum.  Það stuðlar að vellíðan áhafnarmeðlima og eykur flugöryggi.