Stjórn FÍA - breytingar

Stjórn FÍA og Trúnaðarráð skipuðu nýjan varamann stjórnar eftir afsögn Jóhanns Óskars Borgþórssonar. Samþykkt var að Jónas Einar Thorlacius, flugstjóri hjá Icelandair, komi inn sem varamaður og Jens Þór Sigurðarson, flugmaður hjá Landhelgisgæslunni og núverandi varamaður verður meðstjórnandi.

Við stöðu varaformanns FÍA tekur Guðmundur Már Þorvarðarson, flugstjóri hjá Icelandair, sem var gjaldkeri stjórnar.  Nýr gjaldkeri verður skipaður á næsta stjórnarfundi.

Uppfært; Stjórn FÍA skipaði Sigrúnu Bender sem gjaldkera félagsins þann 2. ágúst.

EFÍA ársfundur

Ársfundur Eftirlaunasjóðs FÍA verður haldinn miðvikudaginn 10. maí kl. 11.00 í Hlíðasmára 8 í Kópavogi.

Dagskrá fundarins fer eftir samþykktum sjóðsins og 30. gr. laga nr. 129/1997 um starfsemi lífeyrissjóða.

Allir sjóðfélagar eiga rétt á fundarsetu með umræðu- og tillögurétti.

Dagskrá:

  1. Skýrsla stjórnar
  2. Ársreikningur kynntur
  3. Tryggingafræðileg úttekt
  4. Fjárfestingarstefna
  5. Skipun stjórnar og laun stjórnarmanna
  6. Val endurskoðenda
  7. Tillögur stjórnar til breytinga á samþykktum sjóðsins
  8. Önnur mál

Tillögur til ályktunar um önnur mál, sem taka á fyrir á ársfundi, þurfa að berast stjórn sjóðsins eigi síðar en viku fyrir ársfund.

Mikilvægi varaflugvalla á Íslandi

Flugatvik varð á Keflavíkurflugvelli í síðustu viku og lokaðist völlurinn af þeim sökum um nokkurn tíma. Aðeins hluti annarar af tveimur flugbrautum vallarins var í notkun vegna framkvæmda við viðhald og endurnýjun á flugbrautum og akstursbrautum.

Þegar Keflavíkurflugvöllur lokast skyndilega gegna flugvellirnir í Reykjavík, á Egilsstöðum og Akureyri þýðingarmiklu hlutverki sem varaflugvellir. Með sívaxandi umsvifum á Keflavíkurflugvelli þarf að huga betur að getu þeirra til að sinna því hlutverki. Á Reykjavíkurflugvelli eru flugbrautir stuttar og veðurfar svipað og í Keflavík. Lokist Keflavíkurflugvöllur vegna veðurs á það sama iðulega við um Reykjavíkurflugvöll. Í besta falli er pláss fyrir fjórar farþegaþotur á hvorum stað á flugvöllunum á Akureyri og Egilsstöðum. Það er því orðið mjög brýnt að stækka flughlöðin á þessum völlum til að fyrirbyggja að háskalegt ástand geti skapast. Síðustu ár hefur efni úr Vaðlaheiðargöngum verið flutt á Akureyrarflugvöll til að stækka flughlaðið en ríkið hefur því miður ekki tryggt fjármagn til að ljúka framkvæmdunum.

Félag íslenskra atvinnuflugmanna FÍA skorar á ríkisvaldið að huga að framkvæmdum við stækkun flughlaða á Akureyri og Egilsstöðum. Flugvél sem lendir á Keflavíkurflugvelli og notar Reykjavíkur-, Akureyrar- eða Egilsstaðaflugvöll sem varaflugvöll greiðir einungis lendingargjöld í Keflavík. Eðlilegt er að nýta hluta þeirra tekna til framkvæmda og viðhalds á varaflugvöllunum. Þeir eru mikilvægir hlekkir í þeirri keðju flugsamgangna sem íslensku alþjóðaflugvellirnir fjórir eru.

Stjórn FÍA

Öryggisnefnd FÍA

Fræðslufundur um viðbótarlífeyrissparnað og fasteignakaup

EFÍA býður sjóðfélögum til fræðslufundar í húsnæði FÍA,  Hlíðasmára 8, fimmtudaginn 6. apríl kl. 11:30.

Á fundinum mun Snædís Ögn Flosadóttir, framkvæmdastjóri EFÍA, fara yfir helstu möguleika sem standa sjóðfélögum til boða. Sérstök áhersla verður lögð á skattfrjálsa notkun viðbótarlífeyrissparnaðar til fjármögnunar fyrstu fasteignakaupa og sjóðfélagalán EFÍA.

Allir velkomnir og boðið verður upp á léttan hádegismat á staðnum.

Ráðstefna ÖFÍA 4.4.

Félags íslenskra Atvinnuflugmanna stendur fyrir ráðstefnu þann 4. apríl n.k. “Reykjavik Flight Safety Symposium”  á Hotel Reykjavík Natura.

Megin viðfangsefnin eru flugöryggismál, sanngirnismenning (e. Just Culture), innviðir flugvallakerfisins á Íslandi sem og fjarskipta- og leiðsögutækni innan íslenska flugstjórnarsvæðisins.

Innlendir og erlendir fyrirlesarar halda erindi, fyrirlestrar fara fram á ensku.

Tímasett dagskrá og nánari upplýsingar er að finna til hægri á síðunni.

Innskráning FÍA

Ef vandræði eru með innskráningu eða aðgangsheimildir hafðu samband við webmaster@fia.is