Skorum á EU að setja öryggi farþega í fyrsta sæti!

Fréttatilkynning frá ECA, European Cockpit Association (Evrópusamband atvinnuflumannafélaga):

- Flugmenn krefjast öruggra, vísindalegra hvíldarreglna

Skrifað í Luxemburg þann 15. júní 2011.

Flugmenn hvaðanæva að úr Evrópu koma saman á morgun 16. júní fyrir utan samgönguráðuneyti Evrópusambandsins í Luxemburg til að krefja samgönguráðherra Evrópu um að setja öryggi farþega í fyrsta sæti við setningu nýrra hvíldartímareglna sem fyrirhugaðar eru fyrir alla flugmenn í Evrópu. Þegar þreyta flugmanna er hugsanlegur orsakavaldur í 15-20% allra alvarlegra flugslysa geta ráðherrarnir ekki horft undan því að ný drög að reglugerðum um málefni fara á engan hátt eftir þeim rannsóknum og staðreyndum sem liggja fyrir eftir áratuga reynslu.

Ef þau drög sem fyrir liggja breytast ekki verulega – í takt við vísindalegar staðreyndir – munu hvíldartímareglurnar draga verulega úr því flugöryggi sem Evrópa státar af í dag, á kostnað almennra ferðamanna.

Með mótmælastöðunni fyrir framan ráðuneytið munu atvinnuflugmennirnir láta í ljósi áhyggjur sínar yfir öryggi í tengslum við þau drög að hvíldartímareglugerð sem lögð voru fram í desember 2010 og voru gerð án tillits til niðurstöðu vísindamanna um málefnið, þrátt fyrir lagalega skyldu um að taka tillit til þeirra.

Með því að dreifa þúsundum bæklinga í miðborg Luxemborgar og halda blaðamannafund vilja flugmenn kalla alla samgönguráðherra Evrópusambandsins til ábyrgðar og vekja athygli á eftirfarandi:.

? Vaknið og gerið ykkur grein fyrir þeirri hættu sem flugmannaþreyta er fyrir ferðamenn

? Styðjið ESB reglugerð byggða á vísindalegum niðurstöðum til að minnka þessa áhættu

? Sjáið til þess að þau drög sem nú eru á boðinu breytist í takt við niðurstöður vísindamanna.

„Langar vaktir og stuttur svefn flugmanna getur verið dauðans alvara, ef ekki er sett tilhlýðileg reglugerð byggð á vísindalegum grunni til að stuðla að sem mestu öryggi." segur forseti ECA, Evrópska flugmannasambandsins, Nico Voorbach. „Þeir fimmtíu sem týndu lífi sínu fyrir tveimur árum í flugslysinu hjá Colgan Air (USA) eru sorgleg áminning til Evrópuráðherra um að við eigum ekki að bíða eftir dauðaslysi til að átta okkur á þörfinni á reglugerð byggðri á vísindaniðurstöðum sem þó liggja fyrir hjá ráðuneytinu. Eftir þetta slys brugðust bandarísk yfirvöld hratt við og munu kynna nýjar reglur í ágúst á þessu ári, sem munu byggja á slíkum niðurstöðum."

„Hér í Evrópu virðast stofnanir ekki hafa vaknað upp til að bregðast við þessum þreytuþætti í þágu farþega" bætir Philip von Schöppenthau, framkvæmdastjóri ECA, við. „Fjöldi sannana frá vísindamönnum liggja fyrir, þar á meðal rannsókn unnin á vegum EASA (flugöryggisstofnun Evrópu) sjálfrar. En sú reglugerð sem EASA leggur fram er öllu fremur hönnuð til að skera niður kostnað flugfélaganna í stað þess að huga að öryggi farþega. Við erum sammála því að Evrópa þarf að vera samkeppnishæf í flugiðnaðinum, en ættum ekki undir neinum kringumstæðum að láta hagnaðarsjónarmið ráða ferðinni og öryggissjónarmiðin víkja, það eru grunnréttindi farþega eða geta treyst því að flug sé öruggur ferðamáti."

ECA samanstendur af 38.650 flugmönnum og hafnar núverandi drögum að nýrri hvíldartímareglugerð flugmanna og krefur ráðherra ESB til að sjá til þess að EASA breyti sínum drögum í takt við vísindalegar niðurstöður um þreytu.

Nánari upplýsingar:

http://www.eurocockpit.be

Kjaraviðræður við Icelandair árangurslausar

Allsherjaratkvæðagreiðsla um verkfall

Föstudaginn 10. júní 2011 var samningafundi flugmanna Icelandair Group hf. / Icelandair ehf. hjá Ríkissáttasemjara slitið kl. 12:20 eftir árangurslausar viðræður. Hafin er allsherjaratkvæðagreiðsla um tillögu að verkfallsboðun í formi yfirvinnubanns flugmanna Icelandair Group hf. / Icelandair ehf. Tillagan hljóðar upp á yfirvinnubann sem hæfist þann 24. júní 2011. Kosningunni lýkur kl. 13:00 þann 17. júní 2011 og verða atkvæði þá þegar talin. Allir flugmenn Icelandair sem hafa atkvæðisrétt eiga nú að hafa fengið kosningakóða sendann.

Kjaradeilu FÍA við Icelandair Group hf / Icelandair ehf. vísað til Ríkissáttasemjara

Kjaradeilu FÍA við Icelandair var vísað til Ríkissáttasemjara 31. maí 2011. Samningar hafa verið lausir síðan 31. janúar s.l. og lítið sem ekkert þokast í viðræðum milli aðila. Sáttasemjari hefur móttekið vísunina og mun boða til fundar á næstu dögum.

FÍA tekur þátt í IFALPA ráðstefnu í Tælandi

Ársfundur IFALPA, International Federation of Airline Pilots Associations (Alþjóðasamtaka flugmannafélaga) hefst fimmtudaginn 7. apríl og stendur í 5 daga. Að þessu sinni er ráðstefnan haldin í Chiang Mai, sem er stærsta borgin í norðurhluta Tælands. Ráðstefnan er degi styttri en síðustu ár og dagskráin þétt. Á fyrsta degi koma saman fulltrúar frá öllum stærstu flugmannafélögum heimsins, þ.e. flugmenn sem starfa fyrir sambönd flugfélaga eins og Star Alliance, Oneworld og Skyteam. Þar ræða þeir ásamt öðrum ráðstefnugestum um þróun og horfur í pallborði ásamt sérfróðum gestum sem miðla af sinni þekkingu og reynslu. Meðal umræðuefna eru svokölluð “trans national airlines”, en slík starfsemi þekkist vel á Íslandi og víðar um heim.

Auk ársfundar alþjóðasamtakanna, haldur hver heimshluti sinn fund og ræðir þar sín sérmál. Þannig sitja FÍA fulltrúar ráðstefnu ECA á laugardag, þar sem m.a. verður fjallað um nýja reglugerð EASA um flug-, vakt-, og hvíldartíma sem nú er í bígerð, flugslysarannsóknir, öryggismál og framtíðarhlutverk ECA.

FÍA sendir tvo fulltrúa á ráðstefnuna í Tælandi að þessu sinni, formann FÍA ásamt IFALPA/ECA fulltrúa. Stéttarfélagið tekur þannig áfram virkan þátt í alþjóðlegu samstarfi, enda er slíkt nauðsynlegt í fagi sem þekkir engin landamæri.

Stjórnarkjör í ECA - nýr forseti kjörinn

Haldinn var framhaldsfundur í ECA (European Cockpit Association) þann 24. febrúar s.l. Ástæðan og eina efni fundarins var að kjósa nýja menn í stjórn samtakanna og hæst bar kosning nýs forseta í stað Martins Chalk sem gengt hefur þeirri stöðu síðustu sex ár. Nýr forseti ECA heitir Nico Voorbach og er frá hollenska flugmannafélaginu. Þá var Jon Horne frá breska flugmannafélaginu (BALPA) einnig kjörinn nýr í stjórnina. Sjá nánar í meðfylgjandi frétt frá ECA:

Flugmenn Air Greenland samþykktu nýjan samning

Kosið var um nýjan kjarasamning flugmanna Air Greenland föstudaginn 21. janúar s.l. 93% flugmanna skiluðu atkvæði og var samningurinn samþykktur með 78% atkvæða. Deilan er því leyst og flug hjá félaginu komið í eðlilegt horf að nýju.

Ný stjórn kosin í FÍA

Aðalfundur FÍA var haldinn þriðjudagskvöldið 15. febrúar s.l. á Grand Hótel Reykjavík.

Á fundinum fór meðal annars fram kosning á nýrri stjórn FÍA og voru eftirtaldir kjörnir:

Hafsteinn Pálsson flugstjóri Icelandair, formaður

Jón Þór Þorvaldsson flugmaður Icelandair, varaformaður

Guðjón H. Gunnarsson flugstjóri Flugfélagi Íslands, meðstjórn

Hafsteinn Orri Ingvason flugmaður Atlanta, meðstjórn

Högni Björn Ómarsson flugstjóri Icelandair, meðstjórn

Ólafur Örn Jónsson flugmaður Atlanta, meðstjórn

Þorvaldur Friðrik Hallsson flugmaður Icelandair, meðstjórn

Jakob Ólafsson flugstjóri Landhelgisgæslunni, varamaður

Ölver Jónsson flugmaður Ernir, varamaður

Þeir sem ekki náðu kjöri voru, Örnólfur Jónsson í framoði til formanns, Guðlaugur Birnir Ásgeirsson í framboði til vara formanns, þeir Ingvar Jónsson og Þorsteinn Kristmannsson í framboði til meðstjórnar og Ragnar Már Ragnarsson í framboði til varamanns.

EASA boðar lélegri öryggisstaðla í flugi


- Flugröryggisstofnun ESB birtir drög að ófullnægjandi reglum um vinnutíma flugáhafna

Fréttatilkynning frá ECA, European Cockpit Association (Evrópusamband atvinnuflumannafélaga):

- Flugröryggisstofnun ESB birtir drög að ófullnægjandi reglum um vinnutíma flugáhafna

Flugöryggisstofnun Evrópu EASA hefur nú birt nýjar tillögur að reglum er varða hámarks flugtíma og lengd vakta flugmanna.  Reglunum er ætlað að draga úr áhættu sem fylgt getur þreytu flugmanna, vegna langra vinnuvakta og lítillar hvíldar.  Tillögurnar taka ekkert tillit til vísindalegra niðurstaðna, en eiga að forða kostnaðarauka fyrir flugfélögin.  Reglurnar eru langt undir þeim væntingum sem ætti að bera til trúverðugrar stofnunar ESB í flugöryggismálum.  Verði þessum tillögum ekki breytt verulega, munu þær draga úr flugöryggi í Evrópu, einkum í þeim löndum þar sem fyrir eru í dag strangari reglur um vinnutímamörk flugáhafna.

“Tillögur EASA (flugöryggisstofnunarinnar) eru meira en bara vonbrigði” segir Martin Chalk forseti ECA.  “Stofnunin hefur í á annað ár undirbúið drög að nýjum reglum um vinnutímamörk flugáhafna.  Stofnunin hafði einstakt tækifæri til að koma nú fram með skýra stefnumörkun, byggða á vísindalegum niðurstöðum með flugöryggi í forgrunni. Vinnutímareglur í takt við það sem Flugmálastjórn Bandaríkjanna (FAA) hefur lagt til og einnig þær sem verið hafa lengi við lýði í Bretlandi og gefist afar vel.  Í stað þess að horfa til slíkra viðmiða velur Evrópusambandið að koma fram með tillögur sem eru mun lakari öryggisstaðlar en annars staðar tíðkast.”

Þannig er útgefin stefna EASA um að „stuðla að hæstu öryggisstöðlum í flugi...“ í Evrópu og víðar, í hróplegu ósamræmi við tillögur þeirra um vinnutímamörk flugmanna.  Tvö dæmi:

                                   Tillögur EASA                       Tillögur FAA             Vísindalegar niðurstöður:

Dagvinna:                   Hámark 14 klst                       Hámark 13 klst           Hámark 12 klst

Næturvinna:                Hámark 12 klst                       Hámark 9 klst             Hámark 10 klst

(byrjar á miðnætti):     -7 daga í röð                - 3nætur í röð              -takmarkaður fjöldi nátta       

Til upplýsingar:  Vinnutímahámark Evrópusambandsins fyrir vörubílstjóra er 9 klst að degi og 10 klst að nóttu.

“Vinnutímamörk eiga að taka mið af mannslíkamanum og takmörkunum líkamsklukkunnar.  EASA virðist hins vegar halda því fram að flugmenn í Evrópu þoli betur þreytu og geti unnið lengur en flugmenn í Bandaríkjunum og meira heldur en niðurstöður vísindamanna segja að sé innan öryggismarka”, segir Philip von Schöppenthau framkvæmdastjóri ECA.  “Tillögurnar taka ekkert tillit til margra áratuga vísindarannsókna.  Hvers vegna? Vegna áralangs þrýstings (lobbíisma) flugfélaganna gegn hverskonar reglum sem gætu aukið kostnað.  Ég tel óvíst að farþegar flugfélaganna séu sama sinnis.”

Ef bornar eru saman vinnutímareglur flugáhafna í Bretlandi og hinar nýju tillögur EASA kemur í ljós sláandi munur.  Miðað við hinar nýju tillögur gæti flugmaður byrjað vinnudag kl. 05:30 að morgni, flogið 4 leggi (4 flugtök og 4 lendingar) og lokið vaktinni kl. 18:15, þ.e. eftir 12 klst og 45 mínútur.  Samkvæmt breskum reglum, sem um 20% flugumferðar í Evrópu vinnur samkvæmt, er hámarks vinnutími í þessu dæmi 9 klst.

ECA, sem í eru nærri 39 þúsund flugmenn í Evrópu, hafnar þessum tillögum EASA alfarið.  Er því beint til stofnana ESB að taka mið af vísindaniðurstöðum þegar settar eru reglur um vinnutímamörk og umfram allt tryggja öryggi flugfarþega.

Frekari upplýsingar veita;

P. von Schöppenthau framkvæmdastjóri ECA  s: +32-2-7053293
Martin Chalk forseti ECA í s. +44 7867.556.988
Franz Ploder formaður FÍA í s. +354 822 7260
Einnig eru frekari upplýsingar á vefnum:   http://www.eurocockpit.be/pages/flight-time-limitations

Nýr kjarasamningur við flugfélagið Norlandair

31. janúar 2011 var skrifað undir nýjan kjarasamning flugmanna flugfélagsins Norlandair. Samningurinn er á svipuðum nótum og hjá öðrum félögum en gildir til 31. mars 2011. Samningar við Norlandair hafa verið lausir frá lokum ársins 2009. Nýji samningurinn fer nú í atkvæðagreiðslu félagsmanna og fæst niðurstaða úr þeirri atkvæðagreiðslu á næstu dögum.

Page 16 of 16

Innskráning FÍA

Ef vandræði eru með innskráningu eða aðgangsheimildir hafðu samband við webmaster@fia.is