Flugdagur á Akureyri 2012

flugdagurinn 2012Nú framundan er flugdagur á Akureyrarflugvelli, en þessi árlegi viðburður verður nú laugardaginn 23. júní og hefst kl. 13:00 þann dag. Kynnir er Ómar Ragnarsson. Nánari upplýsingar fást með því að smella á myndina hér í fréttinni.

Kynnir er Ómar Ragnarsson og aðgangseyrir er kr. 1000,-

Þess má geta að þessi flugdagur hefur verið mjög vinsæll undanfarin ár og hafa margir sem búsettir eru annars staðar en í Eyjafirði notað tækifærið og flogið á sínum einkaflugvélum norður yfir heiðar til að njóta "góða veðursins" sem alltaf er á norðurlandi. Þá er upplagt að nota tækifærið og skoða hið glæsilega Flugsafn Íslands og allar þær dýrðir sem það hefur uppá að bjóða.

Flugdagurinn hefur að jafnaði verið haldinn í námunda við Jónsmessuna og er árið í ár engin undantekning þar á.

Ráðstefna ECA samþykkir styrk til styrktarsjóðs Paul Ridgard

Ráðstefna ECA hefur nú samþykkt að greiða út samúðarsjóð sinn, rúmlega 15 þúsund Evrur, til styrktarsjóðs Paul Ridgard. Paul Ridgard var flugmaður hjá Ryanair sem féll frá með sorglegum hætti og lét eftir sig son og eiginkonu. Rayanair flugmenn eru réttindalausir menn eins og margir flugmenn hjá "verktakaflugfélögum" (eins og flugmenn einhverra lággjaldafélaga sem fljúga til Íslands) og hefur fjölskyldan því í fá hús að venda eftir fráfall Pauls.

Lesa meira: Ráðstefna ECA samþykkir styrk til styrktarsjóðs Paul Ridgard

FÍA sækir ársþing IFALPA í París

Þótt formleg dagskrá árfundarins hefjist ekki fyrr en á föstudegi, er fjölsóttur fundur í dag (3.maí) sem haldin er á vegum flugmannafélaga Skyteam, Star Alliance og One world flugfélaganna, með fullþingi IFALPA. Þar er eru fengnir fulltrúar frá flugmönnum og flugfélögunum til að ræða saman í „panel“ um ýmis sameiginleg hagsmunamál eins og samskipti flugmannafélaga og stjórnenda flugfélaga, útþenslu flugfélaga úr „flóanum“ (Emirates, Qatar og Ethiad) og einnig reynt að rýna í hvert rekstrarform flugfélaganna er að þróast.  Eru t.d. gömlu þjóðarflugfélögin eða „flag carriers“ að deyja út?

Lesa meira: FÍA sækir ársþing IFALPA í París

Nýjar vinnutímareglur til umfjöllunar samgönguráðherra ESB

Samgönguráðherrar ESB ræða nýjar flug- og vakttímareglur í Brussel í dag (22.mars). Danski samgönguráðherrann sem nú fer með forsæti í samgönguráði ESB (EU Transport Counsil) hefur látið sig málið mjög varða og telur nauðsynlegt að vinnutímareglur flugmanna þurfi að byggja á vísindalegum niðurstöðum. ECA (European Cockpit Association) fagnar þessari afstöðu og hvetur ráðherra ESB til að setja öryggi farþega í forgrunn hinna nýju reglna sem nú eru til umfjöllunar.  Sjá nánar fréttatilkynningu frá ECA sem birt er hér.

Lesa meira: Nýjar vinnutímareglur til umfjöllunar samgönguráðherra ESB

Nýr kjarasamningur við flugfélagið Ernir

Þann 1. mars s.l. var undirritaður nýr kjarasamningur við flugfélagið Ernir. Samningurinn verður settur í atkvæðagreiðslu sem lýkur laugardaginn 10. mars n.k.

Kjarasamningurinn er í meginatriðum með svipuðu sniði og aðrir samningar FÍA fyrir sama tímabil en hann gildir til 31. mars 2014.

Nýr kjarasamningur undirritaður við Norlandair

Þann 1. febrúar s.l. var undirritaður nýr kjarasamningur við flugfélagið Norlandair. Samningurinn var settur í atkvæðagreiðslu sem lýkur laugardaginn 11. febrúar n.k.

Kjarasamningurinn er í meginatriðum með svipuðu sniði og aðrir samningar FÍA fyrir sama tímabil en hann gildir til 31. janúar 2014.

Kjarasamningur við Norlandair felldur

Kosningu um nýjan kjarasamning við Norlandair lauk með þeirri niðurstöðu að samningurinn var felldur. FÍA mun nú fara yfir málið með flugmönnum Norlandair og leita leiða til að leysa óánægjuatriði með samninganefnd Norlandair.

Er þinn flugmaður úthvíldur?

Ráðstefna um verkföll og samúðarverkföll

Þriðjudaginn 6. mars n.k. mun verða haldin lokuð ráðstefna í húsnæði FÍA um verkföll og samúðarverföll. Ráðstefnan er haldin á vegum Norræana flutningaverkamannasambandsins og munu fulltrúar þeirra koma til landsins n.k. mánudag. Ráðstefnan hefst kl. 10 og áætlað er að henni verði lokið kl. 16 sama dag. Öllum íslenskum meðlimum í NTF er boðið að senda fulltrúa á ráðstefnuna.

DAUÐþreyttir flugmenn í Evrópu

Innskráning FÍA

Ef vandræði eru með innskráningu eða aðgangsheimildir hafðu samband við webmaster@fia.is