Kjarasamningur FÍA við Flugfélag Íslands hf. samþykktur

Kl 16 föstudaginn 17. apríl 2015 lauk rafrænni kosningu um nýjan kjarasamning FÍA við Flugfélag Íslands hf.

Niðurstaða kosningarinnar er þessi:
Á kjörskrá voru 46 flugmenn, atkvæði nýttu 39 sem gerir 84% kjörsókn.

Svörin skiptast svo:
Já, ég samþykki kjarasamning þann sem undirritaður var 1. apríl sl.     21
Nei, ég samþykki ekki kjarasamninginn     18
Ég sit hjá.    0

Samningurinn telst því samþykktur með 53,8% þeirra sem tóku afstöðu.

Endursamið við flugfélagið Atlanta

Nú hefur verið samið aftur við flugfélagið Atlanta eftir að nýr samningur við félagið var felldur. Skrifað var undir nýjan samning þann 10. apríl þar sem tekið var á þeim atriðum sem virtist hvað mest óánægja með í könnun sem gerð var eftir að fyrri kosningu lauk. Sami gildistími er á samningnum og áður. Samningurinn er í kynningu og rafrænni kosningu sem lýkur að kvöldi 17. apríl n.k.

Nýr kjarasamningur við Flugfélag Íslands

Nýr kjarasamningur var undirritaður milli FÍA og Flugfélags Íslands þann 1. apríl s.l.

Samningurinn er á svipuðum nótum og þeir samningar sem gerðir hafa verið hjá FÍA að undanförnu og gildir út árið 2017.

Samningurinn fer nú í kynningu meðal flugmanna félasins og í framhaldinu í rafræna kosningu.

Kjarasamingur FÍA við Atlanta felldur

Kosningu um nýjan kjarasamning FÍA við flugfélagið Atlanta lauk nú kl. 23 UTC í kvöld.
Niðurstaða kosningarinnar er eftirfarandi:
 
Á kjörskrá voru 106.
90 greiddu atkvæði sem gerir 84% kjörsókn.

Atkvæði fóru sem hér segir:
 
Nei ég samþykki ekki meðfylgjandi kjarasamning - 76
Já ég samþykki meðfylgjandi kjarasamning - 13
Ég sit hjá - 1
 
Kjarasamningurinn er því felldur með 85,4% þeirra sem tóku afstöðu.

Nýr kjarasamningur við Norlandair

Nýr kjarasamningur var undirritaður við Norlandair þann 31. mars sl.

Samningurinn er í takti við aðra samninga sem gerðir hafa verið að undanförnu og gildir til 1. febrúar 2018.

Samningurinn fer nú í kynningu hjá flugmönnum félagsins og í kjölfarið í rafræna kosningu.

Aðalfundur FÍA ályktar um Reykjavíkurflugvöll

Aðalfundur FÍA, haldinn 19. febrúar 2015, sendir frá sér eftirfarandi ályktun:

Félag íslenskra atvinnuflugmanna harmar vinnubrögð Reykjavíkurborgar, Isavia og annara hlutaðeigandi aðila varðandi framtíð Reykjavíkurflugvallar. Það er krafa FÍA að óháður, viðurkenndur, erlendur aðili verði fenginn til að vinna nýtt mat á notkunarstuðli Reykjavíkurflugvallar og að öllum framkvæmdum á Valssvæðinu verði frestað þar til Rögnunefndin hefur lokið störfum, og varanleg lausn fundin.

Nýr kjarasamningur við Atlanta

19. mars sl. var skrifað undir nýjan kjarasamning við flugfélagið Atlanta. Samningurinn fer í kynningu og rafræna kosningu í kjölfarið. Kosningu mun ljúka að kvöldi 1. apríl n.k.

Aðalfundur FÍA 2015

Aðalfundur FÍA verður haldinn á Grand Hótel Reykjavík þann 19. febrúar 2015 kl. 20:00

Dagskrá fundarins eru venjuleg aðalfundarstörf samkvæmt dagskrá sem send hefur verin til félagsmanna.

Konur á karlavinnustað

Konur á karlavinnustað - 3 mars 2015 frá kl 12 til 14

Erindi um stöðu kvenflugmanna hjá íslenskum flugfélögum. Þórkatla Aðalsteinsdóttir sálfræðingur flytur erindi og situr fyrir svörum.

Hvetjum alla félagsmenn til að mæta en erindið verður haldið í fundarsal FÍA og er öllum félagsmönnum að kostnaðarlausu.

Starfsmenntasjóður FÍA

Gríðarleg aukning í gervi verktöku meðal flugáhafna

- getur haft áhrif á flugöryggi, segir í nýrri rannsókn.

Fjórir af hverjum 10 flugmönnum undir þrítugu í Evrópu vinna sem gervi verktakar í gegnum starfsmannaleigu, án þess að ráðningarsamnband sé beint við flugfélagið þar sem flugmennirnir starfa. Þetta er meðal þess sem kemur fram í nýrri rannsókn sem háskólinn í Ghent í Belgíu hefur gert og Framkvæmdastjórn Evrópusambandsins stendur að. Niðurstöður þessarar rannsóknar eru kynntar á tveggja daga ráðstefnu í París sem hefst í dag. Rannsakendur segja í skýrslunni að gervi verktaka snúist ekki eingöngu um að komast hjá því að greiða skatta og opinber gjöld, heldur vakni áleitnar spurningar um áhrif þessa fyrirkomulags á flugöryggi.

Sjö af hverjum tíu gervi verktakaflugmönnum starfa fyrir lággjaldaflugfélög og það veldur ójafnri samkeppni milli flugfélaganna.

Hægt er að skoða fréttatilkynningu um málið í heild sinni hér.

Innskráning FÍA

Ef vandræði eru með innskráningu eða aðgangsheimildir hafðu samband við webmaster@fia.is