News

Þann 1. mars s.l. var undirritaður nýr kjarasamningur við flugfélagið Ernir. Samningurinn verður settur í atkvæðagreiðslu sem lýkur laugardaginn 10. mars n.k.

Kjarasamningurinn er í meginatriðum með svipuðu sniði og aðrir samningar FÍA fyrir sama tímabil en hann gildir til 31. mars 2014.

Kosningu um nýjan kjarasamning við Norlandair lauk með þeirri niðurstöðu að samningurinn var felldur. FÍA mun nú fara yfir málið með flugmönnum Norlandair og leita leiða til að leysa óánægjuatriði með samninganefnd Norlandair.

Þriðjudaginn 6. mars n.k. mun verða haldin lokuð ráðstefna í húsnæði FÍA um verkföll og samúðarverföll. Ráðstefnan er haldin á vegum Norræana flutningaverkamannasambandsins og munu fulltrúar þeirra koma til landsins n.k. mánudag. Ráðstefnan hefst kl. 10 og áætlað er að henni verði lokið kl. 16 sama dag. Öllum íslenskum meðlimum í NTF er boðið að senda fulltrúa á ráðstefnuna.

Þann 1. febrúar s.l. var undirritaður nýr kjarasamningur við flugfélagið Norlandair. Samningurinn var settur í atkvæðagreiðslu sem lýkur laugardaginn 11. febrúar n.k.

Kjarasamningurinn er í meginatriðum með svipuðu sniði og aðrir samningar FÍA fyrir sama tímabil en hann gildir til 31. janúar 2014.

Skrifað hefur verið undir nýjan kjarasamning fyrir hönd flugmanna Landhelgisgæslunnar. Samningurinn hefur verið kynntur fyrir hópnum og rafræn kosning mun hefjast og standa í sjö daga, reiknað er með að niðurstaða liggi fyrir að morgni miðvikudagsins 26. október. Samningurinn er á sömu nótum og fyrri samningar FÍA síðustu mánuði og gildir til ársbyrjunar 2014.

Þann 18. ágúst s.l. lauk kosningu um nýjan kjarasamning FÍA við flugfélagið Atlanta. Samningurinn var samþykktur með 85% atkvæða. Nýji samningurinn gildir til 31. janúar 2014.

Þann 16. ágúst s.l. lauk kosningu um nýjan kjarasamning FÍA við Flugfélag Íslands. Samningurinn var samþykktur með 63% atkvæða. Þetta var önnur umferð þar sem fyrri samningur var felldur. Nýji samningurinn gildir til 31. janúar 2014.

Miðvikudaginn 27. júlí lauk kosningu um nýjan kjarasamning FÍA við Icelandair Group hf. / Icelandair ehf. og var samningurinn samþykktur með 183 atkvæðum á móti 41. Átta sátu hjá. Á kjörskrá voru 281 og er kjörsókn því 82%.

Samningurinn gildir til þriggja ára með svipuðum endurskoðunarákvæðum og í samningum ASÍ.

Kosningu um nýjan kjarasamning FÍA við Icelandair Group hf. / Icelandair ehf. lauk þriðjudaginn 19. júlí kl 00:00.

48 félagsmenn greiddu atkvæði og voru 17 sem samþykktu samninginn en 28 sem höfnuðu honum, þrír sátu hjá. Kjarasamningurinn telst því felldur.

1. júlí 2011 var skrifað undir nýjan kjarasamning við Icelandair eftir að sá sem skrifað var undir þremur vikum áður var felldur í allsherjarkosningu félagsmanna. Sá nýji var svo kynntur miðvikudaginn 20. júlí og hófst kosning þá um morguninn sem lýkur þann 27. júlí kl. 10:00.

Stjórn og samninganefnd FÍA lýsa furðu sinni yfir yfirlýsingum Samtaka ferðaþjónustunnar og minna jafnframt á að flugmenn eru ekki að fara í verkfall, heldur yfirvinnubann, sem þýðir að menn mæta til vinnu bæði á uppsettar vaktir sem og bakvaktir. Þau tilfelli sem flugmenn vinna ekki eru ef reynt er að kalla þá af frívöktum. Ef slíkt kemur upp í einhverjum mæli er það vísbending um að fyrirtækið sé ekki nægilega vel mannað en samkvæmt þeim samningi sem nú er unnið eftir, er reiknað með að fyrirtækið skuli manna sig rétt til að manna allar vaktir og 10% betur til að standa straum af óvæntum atriðum, s.s. veikindum eða öðrum þáttum sem verða til þess að vaktir breytast.

FÍA minnir jafnframt á að það eru fleiri aðilar við samningaborðið en þeir einir og vísa ábyrgð á stöðunni til viðsemjenda sem ekki vilja ljá máls á þeim einföldu atriðum sem óskað er eftir að verði lagfærð sem öll eru hluti af títtnefndu starfsöryggismáli. FÍA gerir sér grein fyrir því að sveiflur eru í ferðaþjónustunni hérlendis sem og í öðrum löndum. Staðreyndin er sú að allflest erlend flugfélög taka ekki svona á starfsmannamálum sínum, heldur er öllum haldið í vinnu yfir þann tíma sem minna er að gera, svo fremi sem ljóst þyki að eingöngu sé um árstíðasveiflu að ræða, hvers vegna þarf Icelandair, fyrirtæki sem hefur verið að skila methagnaði, að láta starfsfólk taka á sig þessa sveiflu, er sjálfgefið að starfsmenn séu launalausir vetur eftir vetur til þess eins að hluthafar geti fengið afrakstur sumarvinnu þeirra í vasann?

Mikið er talað um að flugmenn séu hálaunamenn en alltaf gleymist í þeirri umræðu að flugnám kostar í dag a.m.k. 12 milljónir og er ekki lánshæft nema að litlum hluta, menn horfa svo til þess að fá eingöngu vinnu í 3-6 mánuði á ári fyrstu 6-8 árin, það er reikningsdæmi sem illa gengur upp. Varðandi laun þessara manna sem við þetta búa þá eru grunnlaun þeirra á milli 4 og 500 þúsund að viðbættu vaktaálagi, það þýðir árslaun upp á um 1,5 - 3 milljónir auk vaktaálags á ári miðað við það starf sem þetta ágæta fyrirtæki er að bjóða þeim uppá.

Það ítrekast hér að Félag íslenskra atvinnuflugmanna hefur gengið að þeim launahækkunum sem Samtök atvinnulífsins bjóða uppá og bundnar voru vonir til þess að komið yrði til móts við þennan hóp í einhverjum skrefum varðandi að lagfæra þetta óviðunandi ástand sem nú varir varðandi störf þessa hóps sem ekki getur tryggt sér og fjölskyldum sínum viðunandi lífsskilyrði miðað við þann kostnað sem til féll við að koma sér í þetta starf hjá okkar ágæta fyrirtæki.

FÍA skorar á SA og Icelandair að opna augun fyrir raunveruleikanum og stíga hænuskref í átt til þessa hóps sem ætlar með stolti að vinna hjá fyrirtækinu, eflaust flestir til starfsæviloka ef þeim er gert það klefit með ofangreindum lagfæringum. Jafnframt skorar félagið á Samtök ferðaþjónustunnar að líta í eigin barm og hvetja aðildarfélög sín að búa starfsfólki kjör sem hægt er að búa við allt árið!

Kosningu um nýjan kjarasamning FÍA við Icelandair Group hf. / Icelandair ehf. lauk mánudaginn 11. júlí kl 14:00.

222 félagsmenn greiddu atkvæði og voru 109 sem samþykktu samninginn en 112 sem höfnuðu honum, einn sat hjá. Kjarasamningurinn telst því felldur.