Fréttir

Flugmálayfirvöld um allan heim ákváðu að kyrrsetja Boeing 737 Max vélarnar í mars á þessu ári eftir tvö hörmuleg slys sem urðu með minna en fimm mánaða millibili. Formaður IFALPA og flugstjórinn Jack Netskar skrifaði pistil eftir að hann sótti B737 Max leiðtogafund sem haldinn var í Montreal. Erindi hans má nálgast hér að neðan.

Kjöri til stjórnar EFÍA lauk kl. 12:00, þriðjudaginn 4. júní.

Ársfundur Eftirlaunasjóðs FÍA verður haldinn þriðjudaginn 28. maí kl. 11:00 í Hlíðarsmára 8 í Kópavogi.
Allir sjóðfélagar eiga rétt til setu á ársfundinum með umræðu og tillögurétti. Fundargögn má nálgast á vefsíðu sjóðsins.

Vakin er sérstök athygli á stjórnarkjöri sem fram fer nú í fyrsta sinn og sjóðfélagar hvattir til að nýta sér atkvæðisrétt sinn. Rafrænt stjórnarkjör hefst í kjölfar ársfundar og verður opið í 7 daga.

Starfsmenntasjóður FÍA kynnir með stolti hlaupastílsnámskeið með Þorbergi Inga Jónssyni. Þorbergur er einn fremsti hlaupari landsins í millivegalengdum og utanvegahlaupum og hefur slegið fjölda íslandsmeta í hlaupagreinum. Undanfarin ár hefur Þorbergur boðið upp á hlaupastílsnámskeið og fyrirlestra því tengdu. Námskeiðið er haldið þann 21 maí, frá kl. 12:00-14:00.

Námskeiðið fyrir SFÍA samanstendur af um klukkustundar löngum fyrirlestri og verður honum fylgt eftir með léttum æfingum og sprelli á íþróttavelli Breiðabliks, Fífunni. Sumarið er rétt handan við hornið og því ekki úr vegi að fá einn flottasta hlaupara landsins til að leiðbeina okkur. Þorbergur mun meðal annars kenna okkur rétta hlaupatækni ásamt því að leiðbeina okkur um æfingar og æfingakerfi til að styðjast við, hver sem markmið okkur eru.

Í samstarfi við Iðuna fræðslusetur býður Starfsmenntasjóður FÍA upp á tvö hjólaviðgerðarnámskeið fyrir hjólreiðafólk í hópnum.
Það fyrra er 8.maí og er hugsað fyrir byrjendur og/eða fólk sem ekki hefur mikið verið í viðgerðarhlutanum. Hið síðara er 23.maí sem hugsað er fyrir lengra komna og er eins konar framhaldsnámskeið af því fyrra. Á báðum námskeiðum er mælt með að koma með hjólin með sér.

Áhugasamir skrái sig á eftirfarandi hlekki; en hámark á hvort námskeiðið er 20manns.

Viðhald reiðhjóla I
Tími: 8. maí kl. 17-22
Staðsetning: Vatnagarðar 20
Kennari: Helgi Berg Friðþjófsson
Námslýsing: Farið verður í gegnum viðhald og umgengni á öllum hjólum. Skoðaðar verða stillingar á gírum, bremsum og hvernig á að yfirfara hjól til að tryggja að það sé ekki hættulegt að nota það.
Kynntir verða slitfletir og virkni gíra og mismunandi gírakerfa útskýrð. Skoðuð verða mismunandi bremsukerfi og virkni þeirra útskýrð.

Kjörnefnd Eftirlaunasjóðs FÍA (EFÍA) auglýsir nú eftir framboðum til stjórnarsetu í EFÍA kjörtímabilið 2019-2021.

Í kjölfar aukaársfundar EFÍA í febrúar síðastliðnum voru samþykktar breytingar á fyrirkomulagi í tengslum við skipan í stjórn EFÍA, meðal annars að fulltrúar FÍA í stjórn EFÍA verði kosnir af sjóðfélögum í beinni kosningu.

Samkvæmt greinum 4.1 og 4.1 a í samþykktum sjóðsins skulu sjóðfélagar kjósa tvo aðalmenn og einn varamann til stjórnarsetu í tvö ár. Þeir sem gefa kost á sér þurfa að uppfylla eftirfarandi:

• Vera sjóðfélagar í EFÍA.
• Vera fjárhagslega sjálfstæðir og búa yfir nægilegri þekkingu og starfsreynslu skv. 31. gr. laga nr. 129/1997, um skyldutryggingu lífeyrisréttinda og starfsemi lífeyrissjóða, og 6. gr. reglna FME nr. 180/2013 og fullnægja að öðru leyti þeim kröfum sem gerðar eru um hæfi og hæfni stjórnarmanna skv. framangreindum lögum, reglum FME og samþykktum sjóðsins.
• Vera tilbúnir til að gangast undir hæfismat FME.
• Skila inn framboðsgögnum innan tilskilins tímafrests.