Fréttir

Fulltrúar FÍA og Flugfélagsis Ernis skrifuðu undir kjarasamning, mánudaginn, 10. desember. Í kjölfarið hófst rafræn atkvæðagreiðsla, sem stendur í viku.

Mynd, frá vinstri: Unnar Hermannsson (Ernir), Ásgeir Örn Þorsteinsson (Ernir), Magni Snær Steinþórsson formaður samninganefndar FÍA, Snorri Geir Steingrímsson (FÍA), Sigurður Egill Sigurðsson (FÍA).

Í desember tók Flugfélagið Ernir í notkun flugvél af gerðinni Dornier 328. Vélin rúmar 32 farþega auk þriggja manna áhafnar og mun sinna áætlunarflugi á leiðum félagsins auk tilfallandi verkefna innanlands og utan.

„Við bindum vonir til þess að aukinn sætafjöldi skili hagkvæmni á ákveðnum leiðum og möguleika félagsins til að bjóða hagstæðari fargjöld en hægt hefur verið. Allt fer það þó eftir kaupum, kjörum og aðstæðum á okkar örmarkaði, “ segir Hörður Guðmundsson, forstjóri Ernis en til þessa hefur félagið haft að skipa fjórum 19 farþega flugvélum af Jetstream 31/32 gerð.

Flugfélagið Ernir er elsta starfandi flugfélag hér á landi, og er enn stjórnað af stofnendum þess frá árinu 1970. Ernir heldur úti áætlunarflugi til fimm áfangastaða á landsbyggðinni auk Reykjavíkur. Það eru Vestmannaeyjar, Höfn Hornafirði, Húsavík, Gjögur og Bíldudalur.

Starfsmenntasjóður FÍA stendur fyrir áhugaverðum hádegisfyrirlestrum á næstu mánuðum. Við hvetjum félagsfólk eindregið til að kynna sér dagskrána hér að neðan og taka frá tíma!

Hádegisfyrirlestrar FÍA janúar-mars 2019

Miðvikudagur, 16.janúar 2019 kl.12-14

Svefntími fólks í vaktavinnu

Dr. Erla Björnsdóttir

Miðvikudagur 6.febrúar 2019 kl.12-14

Svefntími fólks í vaktavinnu

Dr. Erla Björnsdóttir

Miðvikudagur 20.febrúar 2019 kl.12-14

Réttarstaða flugmanna við rannsókn lögreglu

Hulda Elsa Björgvinsdóttir yfirmaður ákærusviðs LRH

Rannsóknarnefnd flugslysa

Fimmtudagur 7.mars 2019 kl.12-14

Fasteignakaup; fyrsta eign og lánamöguleikar

Snædís Ögn Flosadóttir, EFÍA

Þriðjudagur 19.mars 2019 kl.12-14

Kulnun í starfi

Sigrún Ása Þórðardóttir, sálfræðingur

Bryndís Nielsen hóf nýverið störf sem upplýsingafulltrúi FÍA og mun halda utan um miðlun upplýsinga til félagsmanna, til að mynda með útgáfu fréttabréfs, uppfærslum á heimasíðu og samfélagsmiðlum.

Bryndís hefur langa starfsreynslu sem ráðgjafi, almannatengill og verkefnastjóri auk þess að hafa talsverða reynslu af ritstörfum og þýðingarvinnu. Hún hefur starfað sem ráðgjafi hjá Athygli frá 2007, og starfar þar áfram í hálfu starfi til móts við hálft starf hjá FÍA. Hjá Athygli hefur Bryndís fengist við verkefni á borð við krísustjórnun og uppbyggingu ímyndar, almannatengsl, blaðaskrif og ritstjórn auk þess að hafa starfað í tvö ár hjá Evrópustofu, en sú upplýsingamiðstöð var rekin af Athygli samkvæmt samningi við Evrópusambandið.

Bryndís var upplýsingafulltrúi hjá Íslenska dansflokknum frá 2005-2007 en starfaði þar á undan sem sjónvarpsfréttakona á hinni skammlífu fréttastöð NFS. Hún lauk meistaranámi í sjónrænni mannfræði frá Goldsmiths College, University of London, og hefur BA gráðu í sálfræði frá HÍ.

Rekstur flugfélaga er krefjandi nú sem fyrr og því er eðlilegt að hjá Icelandair sé leitað allra leiða til að hagræða og lækka kostnað. Slík leit er vandasamt verkefni, en mikilvægt er að viðræður við stéttarfélög starfsmanna fari vel fram og að báðir aðilar komi auga á atriði þar sem hagsmunir starfsmanna fara saman við hagsmuni flugfélagsins. Stefna FÍA við gerð síðustu kjarasamninga við Icelandair var sú að mæta til viðræðna með opnum huga og leita lausna þar sem þeirra hafði ekki verið leitað áður. Sá árangur sem þar náðist hefði þó aldrei náðst ef aðilum hefði verið stillt upp við vegg.

Kjarasamningur FFÍ við Icelandair rennur út nú á haustmánuðum. Hugmyndir um fækkun starfsmanna í hlutastörfum eiga heima í þeim kjaraviðræðum sem framundan eru. Náist ekki árangur í kjaraviðræðunum um lausn sem báðir aðilar eru sáttir við er rétt að bera túlkun núverandi ákvæða um hlutastörf undir Félagsdóm.

Skylmingar í fjölmiðlum og á samfélagsmiðlum munu ekki leysa málið. FÍA skorar á Icelandair og FFÍ að leiða þetta mál til lykta í komandi kjaraviðræðum. Í aðdraganda þeirra viðræðna er skynsamlegt fyrir Icelandair að setja flugliðum sínum ekki afarkosti

Skrifað var undir nýjan kjarasamning við Norlandair 22. ágúst s.l. og er atkvæðisgreiðslu lokið þar sem samningurinn var samþykktur. Kjörsókn var 100% og voru 57,14% samþykkir, 28,57% samþykktu ekki nýja samninginn og 14,29% sem skiluðu auðu. Gildistími samnings eru 12 mánuðir, en eldri samningur rann út febrúar á þessu ári. Við óskum þeim hjá Norlandair til hamingju með nýja samninginn.

Á dögunum óskaði Bjarni Berg eftir því að verða leystur frá störfum sem stjórnarmaður í Starfsmenntasjóði FÍA og hefur beiðni hans verið samþykkt. Við þökkum honum fyrir starf í þágu félagsins. Við leitum því eftir að skipa annan öflugan einstakling í hans stað til að koma hreyfingu á starfsemi sjóðsins og bjóða félagsmönnum upp á ný og spennandi námskeið/fræðslu. Samkvæmt reglugerð sjóðsins er verkefni hans að standa straum af kostnaði við námskeiðahald sem stjórn sjóðsins ákveður á hverjum tíma að bjóða sjóðsfélögum.

Áhugasamir geta sent póst á lara@fia.is

Farið verður yfir umsóknir og valinn einstaklingur á næsta stjórnarfundi.

Þann 2. júlí var skrifað undir nýjan kjarasamning við Bluebird Nordic og gildir hann til 31. mars 2020. Samningurinn fer nú í kynningu meðal flugmanna félagsins og rafræn atkvæðagreiðsla hefst í kjölfarið þann 2. júlí var skrifað undir nýjan kjarasamning við Bluebird Nordic og gildir hann til 31. mars 2020. Samningurinn fer nú í kynningu meðal flugmanna félagsins og rafræn atkvæðagreiðsla hefst í kjölfarið.

Þann 2. júlí var skrifað undir nýjan kjarasamning við Bluebird Nordic og gildir hann til 31. mars 2020. Samningurinn fer nú í kynningu meðal flugmanna félagsins og rafræn atkvæðagreiðsla hefst í kjölfarið þann 2. júlí var skrifað undir nýjan kjarasamning við Bluebird Nordic og gildir hann til 31. mars 2020. Samningurinn fer nú í kynningu meðal flugmanna félagsins og rafræn atkvæðagreiðsla hefst í kjölfarið.