Fréttir

The Nordic Transport Federation (NTF) Civil Aviation Section hittust 30. - 31. maí sl. í Reykjavík til að ræða ITF ráðstefnuna sem verður í Marrakech og aukna samvinnu á milli eininga. Um var að ræða 26 aðila frá Norðurlöndunum sem hittust í sal Flugvirkjafélagsins í Borgartúni. Friðrik Ómarsson, Jónas Þór Guðmundsson og Vala Gauksdóttir tóku þátt fyrir hönd FÍA.

Meðal þess sem fram fór á fundinum voru kynningar á starfsemi íslensku stéttarfélaganna (FÍA, FFÍ og FVFÍ), yfirferð frá fulltrúm VR vegna kjarabaráttu starfsfólks í farþegaafgreiðslu í Keflavík, kynning sagnfræðings á íslenskri sögu og menningu auk þess sem drjúgur tími fór í að ræða málefni hinna ýmsu aðildarfélaga flugráðs NTF á Norðurlöndunum. Að loknum fundi á fimmtudag var fundargestum boðið til 3ja rétta kvöldverðar í boði FÍA, FFÍ og FVFÍ. Fundinum lauk svo á föstudeginum með heimsókn í flugskýli Icelandair, Ground Operations og Network Control Center Í Keflavík.

FÍA vill þakka öllum þeim sem komu að fundinum ásamt skipuleggendum NTF.

Starfsmenntasjóður stóð fyrir hádegisfyrirlestri með Birni Berg Gunnarssyni fjármálaráðgjafa sem kom og hélt erindi um lífeyrismál og starfslok.

Á þessu ítarlega og gagnlega námskeiði var farið vandlega yfir allt sem nauðsynlegt er að vita varðandi fjármál við starfslok.

Meðal þeirra spurninga sem leitað var svara við voru:

Hvenær og hvernig hentar að sækja lífeyrisgreiðslur?
Hvernig göngum við á séreignarsparnað?
Hvað þarf að vita varðandi greiðslur og skerðingar almannatrygginga?
Er skynsamlegt að sækja hálfan lífeyri?
Hvernig deili ég lífeyri með makanum mínum?
Hvaða skatta kem ég til með að greiða?

Góð þáttaka var á viðburðinn og einnig var honum streymt. Fyrirlesturinn er aðgengilegur félagsmönnum í appinu og á innri vef FÍA. Slóðina má einnig finna á facebook síðu Starfsmenntasjóðsins.

Starfsmenntasjóður FÍA þakkar fyrir góða áheyrn.

Kæru félagar,

Í dag föstudaginn 26. apríl er Alþjóðlegur dagur flugmanna.

FÍA sendir félagsmönnum FÍA sem og samstarfsfólki okkar í flugiðnaðinum árnaðaróskir í tilefni dagsins og þakkir fyrir komuna í flugmannakaffi í dag.

Öryggisnefnd FÍA stóð fyrir hádegisfyrirlestri þann 23. apríl sl. fyrir ,,Grasrótina" sem ætlaður var fyrir atvinnuflugmenn sem stunda einkaflug innan FÍA.

Verkefnastjóri Isavia ásamt fulltrúum frá öryggisnefnd fóru m.a. yfir:

Upprifjun fyrir sumarvertíðina
Flugbrautar- og akbrautarátroðningur
Loftrýmin í kringum höfuðborgarsvæðið
Flugupplýsingar og hvernig á að nálgast þær
Þyngdarútreikningar
Sjónflugsleiðir til og frá BIRK
Flug við óstjórnaða flugvelli
Breytingar á akbrautarheitum, merkingum og skiltum á BIRK
ofl.

Öryggisnefnd FÍA þakkar áhugasömum fyrir komuna.

Ársfundur EFÍA 2024

Ársfundur Eftirlaunasjóðs FÍA verður haldinn föstudaginn 31. maí kl. 12:00 í Hlíðasmára 8 í Kópavogi.

Dagskrá fundarins fer eftir samþykktum sjóðsins og 30. gr. laga nr. 129/1997, um skyldutryggingu lífeyrisréttinda og starfsemi lífeyrissjóða. Allir sjóðfélagar eiga rétt á fundarsetu með umræðu- og tillögurétti.

Dagskrá, fundargögn og upplýsingar um framboð til stjórnar verða birt þegar nær dregur.

Tillögur til ályktunar um önnur mál, sem taka á fyrir á ársfundi, þurfa að berast stjórn sjóðsins eigi síðar en viku fyrir ársfund.

Aðalfundur Félags íslenskra atvinnuflugmanna verður haldinn fimmtudaginn 29. febrúar 2024, kl. 20:00 í Hlíðasmára 8, 200 Kópavogi.

Hefðbundin aðalfundadagskrá fer fram:

DAGSKRÁ

1. Stjórnarkjör
2. Skýrsla stjórnar
3. Reikningar félagsins lagðir fram til samþykktar
4. Lagabreytingar
5. Kosning skoðunarmenn reikninga FÍA
6. Kosning fulltrúa í Starfsráð
7. Önnur mál

Sæti formanns og fjögurra meðstjórnenda eru laus. Sjálfkjörið er í embætti formanns en kjósa þarf í embætti meðstjórnenda. Í framboði til formanns er Jón Þór Þorvaldsson. Í framboði til stjórnar eru: Eli Úlfarsson (ICE), Guðmundur Óskar Bjarnason (ICE), Högni Björn Ómarsson (ICE), Kristinn Alex Sigurðsson (ICE), Vala Gauksdóttir (FÍ) og Örnólfur Jónsson (ICE).

Léttar veitingar verða í boði eftir fundinn. Vonumst til að sjá sem flesta félagsmenn.

Bestu kveðjur,

Stjórn FÍA

*ENGLISH*

The Icelandic Airline Pilots Association annual Meeting will be held at Hlíðasmári 8, 200 Kópavogur, Thursday 29th of February 2024, at 20:00.

Agenda

1. Election of the board members.
2. The association’s board reports on the association’s operations.
3. The association’s pronounced accounts are submitted.
4. Law changes
5. Election of 2 account surveyors.
6. Elections for FÍA Seniority working committee.
7. Other Matters.

President position and four board members are available. Jón Þór Þorvaldsson is only one running for the President position. Those who are running for board positions are: Eli Úlfarsson (ICE), Guðmundur Óskar Bjarnason (ICE), Högni Björn Ómarsson (ICE), Kristinn Alex Sigurðsson (ICE), Vala Gauksdóttir (FÍ) og Örnólfur Jónsson (ICE).

Light beverages and snack will be served at the end of the meeting.

Best regards,

The Board of FÍA

Þriðjudaginn 13. febrúar kl. 12:00 fer fram sjóðfélagafundur EFÍA. Þrjú mál eru á dagskrá.

Fyrst verður fjallað um ávöxtun sjóðsins á síðasta ári og hvernig nýja árið fer af stað.

Annað mál á dagskrá er dómur Héraðsdóms Reykjavíkur þar sem ákvæði í samþykktum LIVE lífeyrissjóðs var dæmt ógilt, en það varðar umreikning áunninna lífeyrisréttinda vegna spár um hækkandi lífaldur. Þessi dómur kann að hafa fordæmisgildi á samþykktir EFÍA.

Að lokum verður stutt kynning á reglum sjóðsins um makalífeyri.

Fundurinn verður haldinn í sal FÍA að Hlíðasmára 8. Léttar hádegisveitingar verða í boði og að sjálfsögðu opið fyrir spurningar og umræður.

Á aðalfundi FÍA í gærkveldi lágu úrslit kosninga um stjórnarkjör í FÍA fyrir. Kosningaþáttaka var afar góð en um 72,64% sem voru á kjörskrá tóku þátt en
félagsmenn gátu kosið að þessu sinni. Aðalfundurinn fór fram að þessu sinni í höfuðstöðvum FÍA og var salurinn þéttsetinn.

Úrslit stjórnarkjörs FÍA eru:

Jón Þór Þorvaldsson, kjörinn formaður til næstu tveggja ára.

Meðstjórnendur til næstu tveggja ára eru;

Elí Úlfarsson (ICE) - 62,67%

Örnólfur Jónsson (ICE) - 60%

Guðmundur Óskar Bjarnason (ICE) - 59,83%

Högni Björn Ómarsson - 50,67%

Vala Gauksdóttir (FÍ) - 48,83%

Kristinn Alex Sigurðsson - 37,83%

Samkvæmt 16. gr. laga geta aðeins fimm félagsmenn frá hverjum samningsaðila FÍA geta tekið sæti í stjórn hverju sinni. Þar sem félagmenn frá Icelandair fylltu kvótann sinn í þessum er Vala sjálfkjörin í stjórn FÍA.

Félagsmenn FÍA óskar þeim til hamingju með kjörið og og óskar þeim velfarnaðar í störfum sínum.

Þeir stjórnarmenn sem hætta í stjórn eru Gunnar Björn Bjarnason, Högni Björn Ómarsson, Sara Hlín Sigurðardóttir og Steindór Ingi Hall. Félagsmenn FÍA þakkar þeim fyrir mikið og óeigingjarnt starf í þágu atvinnuflugmanna.

Fyrir eru í stjórn: Guðmundur Már Þorvarðason, varaformaður, G. Birnir Ásgeirsson, Haraldur Helgi Óskarsson, Jóhannes Jóhannesson meðstjórnendur.

Anna Lilja Hallgrímsdóttir hefur verið ráðin til starfa sem lögfræðingur hjá Félagi íslenskra atvinnuflugmanna (FÍA) og hóf hún störf 1. desember. Fyrir er Sonja Bjarnadóttir Backmann.

Síðan árið 2012 hefur hún starfað sem lögfræðingur hjá Lögmannafélagi Íslands þar sem hún sinnti m.a. eftirliti með því að lögmenn uppfylltu starfstengdar skyldur sínar, starfaði fyrir laganefnd félagsins og úrskurðarnefnd lögmanna, skipulagði viðburði ásamt því að vera upplýsingafulltrúi gagnvart samtökum evrópskra lögmannafélaga.

Anna Lilja er útskrifaður lögfræðingur frá Háskólanum í Reykjavík en hún lauk BA prófi í lögfræði árið 2010 og meistaranámi árið 2012. Þá hlaut hún málflutningsréttindi fyrir héraðsdómstólum árið 2014. Samhliða námi starfaði hún hjá Creditinfo og Bæjarskrifstofum Garðabæjar ásamt því að vera starfsnemi hjá Mörkinni lögmannsstofu og Ríkissaksóknara.

Anna Lilja er 36 ára Kópavogsbúi og er gift Úlfari Frey Jóhannssyni lögfræðingi og eiga þau saman þrjár dætur á aldrinum 10 mánaða til 10 ára. Hennar helstu áhugamál eru samvera með fjölskyldunni, ferðalög og hundurinn Perla.

Stjórn býður Önnu velkomna til starfa og óskar henni velfarnaðar í starfi.