Fréttir

Í dag, 6. júní 2014, var undirritaður nýr kjarasamningur FÍA við Landhelgisgæslu Íslands. Samningurinn fer nú í kynningu til félagsmanna og í rafræna kosningu sem mun taka 7 daga.

FÍA lýsir yfir fullum stuðningi við FVFÍ í kjarabaráttu þeirra sem nú stendur yfir.

Rafrænni kosningu um nýjan kjarasamning FÍA og Icelandair Group hf. / Icelandair ehf. er nú lokið. 338 voru á kjörská og skiluðu 301 manns atkvæði sem gerir 89% kjörsókn. 219 samþykktu samninginn og 67 höfnuðu honum, 15 sátu hjá. Samningurinn er því samþykktur af 76,6% þeirra sem tóku afstöðu. Samningurinn hefur því tekið gildi og gildir til 30. september 2014.

Kosningu um nýjan kjarasamning FÍA og flugfélagsins Atlanta ehf. er nú lokið. 103 voru á kjörská og skiluðu 86 manns atkvæði sem gerir 83,5% kjörsókn. 65 samþykktu samninginn og 19 höfnuðu honum, 2 sátu hjá. Samningurinn er því samþykktur með 77% þeirra sem tóku afstöðu. Samningurinn hefur því tekið gildi og gildir til 31. desember 2014.

Laust fyrir kl. 5:00  dag, 22. maí 2014, var undirritaður nýr kjarasamningur FÍA við SA fyrir hönd Icelandair Group hf. / Icelandair ehf. Samningurinn fer nú í kynningu til félagsmanna og í rafræna kosningu sem mun taka 7 daga.

Í dag, 16. maí 2014, var undirritaður nýr kjarasamningur FÍA við SA fyrir hönd flugfélagsins Atlanta. Samningurinn fer nú í kynningu til félagsmanna og í rafræna kosningu sem mun taka 7 daga. Á meðfylgjandi mynd má sjá samninganefndirnar fá sér vöfflu eftir undirritunina.

• Það er alrangt að flugmenn Icelandair Group standi í skæruaðgerðum gagnvart félaginu.
• Flugmenn eru í löglega boðuðum verkfallsaðgerðum sem meðal annars er yfirvinnubann sem felur í sér að menn vinna ekki yfirvinnu. 
• Sökum seinkana undanfarinna daga hefur vakttími flugmanna riðlast sem hefur valdið keðjuverkandi áhrifum á önnur flug.  Icelandair Group er undirmannað nú um þessar mundir og hefur því ekki geta mannað öll þau flug sem áætluð hafa verið.
• Icelandair Group tilkynnti um niðurfellingu 10 fluga til Norður Ameríku 11.maí.  Af þessum 10 flugum voru 8 þeirra fullmönnuð og lýsir FÍA undrun sinni á þessari aðgerð Icelandair Group en hún er farþegum félagsins sem og hluthöfum til mikils skaða. Með þessari aðgerð og kynningu á henni er verið að fara með rangt mál í fjölmiðlum til þess eins að sverta orð flugmanna.  Slík aðgerð er sannarlega ekki til þess að ýta undir lausn þessarar deilu.

Minnum á að skrifstofa FÍA er opin. Hvetjum félagsmenn til að líta við og spjalla saman. Heitt á könnunni.

Stöndum saman

Stjórnin

Lokið er kosningu flugmanna Icelandair um tillögu samninganefndar. Á kjörskrá voru 330 félagsmenn en atkvæði greiddu 301. Kosningaþátttaka er rúm 91%.

Tillagan var samþykkt,

Samþykkir: 295

Mótfallnir: 0

Sátu hjá: 6